Россия вилоятларига 27та украин дрони ҳужум қилди
Кеча 27 та самолёт типидаги учувчисиз аппаратлар Россия ҳудудларига ҳужум қилди, деб хабар бермоқда Россия Мудофаа вазирлиги матбуот хизмати.
Таъкидланишича, улар ҳаво ҳужумидан мудофаа тизимлари томонидан уриб туширилган: 18 таси Курск вилояти, яна иккитаси Белгород вилояти устидан, яна еттита учувчисиз самолёт қулаган жойи аниқланмаган. Қурбонлар йўқ.
Ҳарбий дронлар ҳужуми натижасида Россиянинг Белгород вилоятида иккита аҳоли пункти элект токисиз қолган.
Херсон вилояти бомбардимон остида
Охирги 24 соат ичида руслар Херсон вилоятига 514 дан ортиқ снаряд отди, отишма натижасида бир киши яраланди, деди душанба куни эрталаб вилоят ҳарбий бошқармаси раҳбари Александр Прокудин.
Охирги 24 соат ичида жами 57 та ҳарбий тўқнашув содир бўлган
Украина ҳудуди 7 та ракета ва 54 та ҳаво ҳужумига учраган. Ўлганлар ва ярадорлар бор. Россия Бош штаби бу хабарларга изоҳ бермади.
Украинанинг Запороже вилоятидаги Работино қишлоғи 2022 йил март ойида Россия армияси томонидан босиб олинган, 2023 йил август ойида эса Украина Қуролли кучлари томонидан озод қилинган.
РФ Мудофаа вазирлиги Россия ҳудуди узра 27 та дрон уриб туширилганини маълум қилди
РФ Мудофаа вазирлиги Россия ҳудуди узра 27 та дрон уриб туширилгани ҳақида маълумот берди. Вазирликка кўра, учоқ типидаги дронлар ҳужуми 15 октябрга ўтар кечаси навбатчи ҲҲМ воситалари томонидан даф қилинган.
Хабарномада 18 та дрон Курск вилояти устида, яна иккитаси Белгород осмонида йўқ қилингани айтилади. Қолган етти дрон қандай уриб туширилгани очиқланмаган.
Вазирлик дронлар ҳужуми учун жавобгарликни “Киев режими” зиммасига юклади.
15 октябрга ўтар тунда Курск вилояти губернатори Роман Старовойт вилоят осмонида 12 та дрон уриб туширилганини билдирди. Дрон парчалари шаҳар чеккасига ва Зорино қишлоғига тушган. Ҳеч ким жабрланмаган.
Аннексия қилинган Севастополга Россия томонидан “раҳбар” этиб тайинланган Михаил Развозжаев кечаси шаҳарда янграган гулдурак товушларни Қора денгиз флоти машқлар ўтказаётгани билан изоҳлади.
“Шимолий томондан гулдирак товушлар таралмоқда – бу Қора денгиз флотининг реактив бомбаотар қуроллари товуши. Флот машқлар ўтказяпти. Шаҳарда ҳамма ёқ тинч”, деб ёзди у ўз телеграм-каналида.