Эрон президенти Ҳасан Руҳоний АҚШ Теҳронга нисбатан жорий қилинган янги санкцияларни бекор қилмагунча¸ Вашингтон билан музокара бўлмаслигини билдирди.
Душанба куни АҚШ президенти Дональд Трамп Катта еттилик саммитида қилган баëнотида Эрон ядровий дастури устидаги келишмовчиликни муҳокама қилиш учун Руҳоний билан учрашиш эҳтимолини тилга олган эди.
Ўтган йил Трамп Эрон ядровий дастурини жиловлаш мақсадида санкцияларни бекор қилиш кўзда тутилган олти томонлама келишувдан АҚШнинг чиққанини эълон қилгани ортидан Вашингтон санкцияларни қайта жорий қилди.
Reuters агентлигининг ëзишича¸ Эрон билан музокараларга замин ҳозирлаш мақсадида Теҳронга кредит линияси очиш масаласи кўриб чиқилмоқда.