Германия ва Франция 4 август куни Москвада рухсат берилмаган намойишларни ўтказишда айбланиб мингдан ортиқ одам қўлга олинганини қоралади. Германия ва Франция Россия ҳукумати намойишчиларни тарқатишда мутаносиб бўлмаган даражада куч қўллади, деб ҳисоблайди.
3 август куни Москвада ОМОН минг нафардан кўпроқ намойшчини, жумладан, бир нафар мухолифатчини ҳибсга олди. Намойиш иштирокчилари Москва шаҳар думасига эркин сайлов ўтказилишини талаб қилиб чиққан эди.
Россия мухолифатининг машҳур фаоли Любовь Соболни, иш жойидан чиқиши билан, полиция олиб кетди. Очлик эълон қилган Соболь ушбу норозилик тўлқинининг асосий ташкилотчисидир.
-Одамлар кўчаларга мен учун эмас ёки мана бу йигит учун эмас, ўзлари учун чиқишмоқда. Улар сайловларда ўз сиёсий вакилларини кўришни истайдилар,-деди Любовь Соболь журналистларга берган интервьюсида.