3 август куни Москва шаҳрида полициянинг ОМОН – тартибсизликларга қарши курашувчи махсус бўлинмаси 800 дан ортиқ киши, жумладан, 1 мухолифат фаолини ҳибсга олди. Бундан олдин ҳокимият идоралари рухсат этилмаган митингни тўхтатиш учун “барча зарур чоралар”ни кўришини айтиб, огоҳлантирган эди.
Бир ҳафта олдин бўлиб ўтган шунга ўхшаш норозилик намойиши олдидан Россия пойтахтига полициянинг юзлаб ОМОН аскарлари жойлаштирилган эди. Намойиш иштирокчилари Москва шаҳар думасига эркин сайлов ўтказилишини талаб қилиб чиққан эди.
Инсон ҳуқуқига риоя этилишини кузатиб борувчи OVD-Info нашри 828 киши қўлга олинганини хабар қилди.
Россия мухолифатининг машҳур фаоли Любовь Соболни, иш жойидан чиқиши билан, полиция олиб кетди. Очлик эълон қилган Соболь ушбу норозилик тўлқинининг асосий ташкилотчисидир. У намойиш бўлаётган жойга таксида кетаётганда, ҳибсга олинди.