Украина хавфсизлик хизмати Россиянинг NEYMA танкерини қўлга олди¸ деб хабар қилди Киев идораси.
Айтилишича¸ Россия танкери 24 июль куни Одесса областидаги Измаил портига NIKA SPIRIT номи билан кирган. Украина хавфсизлик хизмати ва ҳарбий прокуратурасининг билдиришича¸ “кема ўзининг ноқонуний ҳаракатлар ва агрессия актига алоқадорлигини яшириш мақсадида” номини ўзгартирган.
Халқаро ахборот тизими воситасида унинг аслида Россия кемаси экани аниқланган.
Украин хавфсизлик хизмати ходимлари кема ҳужжатларини¸ борт журналлари ва радиосўзлашувлар ëзувини қўлга олган¸ экипаж аъзоларини сўроқ қилган. Эндиликда танкерни қамоққа олиш сўрови билан судга ариза берилиши кутилмоқда.
Россия Ташқи ишлар вазирлиги танкернинг қўлга олиниши билан боғлиқ вазият ўрганилаëтганини билдирди.
2018 йилнинг 25 ноябрида Кремль томонидан аннексия қилинган Қрим соҳилида Россия чегарачилари Украинанинг уч ҳарбий кемасига ўт очган ва 24 денгизчини қўлга олган эди.
Украин ҳарбийлари¸ Россия чегарасини ноқонуний кесиб ўтганликда айбланмоқда. Россия қонунчилиги бунинг учун 6 йиллик қамоқ жазоси берилишини кўзда тутади.
Киев¸ қолаверса¸ АҚШ¸ НАТО ва ЕИ Россиянинг бу ҳаракатини агрессия акти деб баҳолаган.
Одессада қўлга олинган Россия кемасининг ана шу воқеада бевосита иштирок этгани айтилмқода.