Беларус президенти Александр Лукашенко Россия ва Европа Ўртасидаги “зиддият” туфайли келиб чиққан “совуқликни” мамлакатнинг ташқи сиёсатини Шарқ ва Ғарб ўртасида тенг мувозанат билан ҳал қилишини таъкидлади.
5 март куни Минскда интеграция масалалари бўйича ҳукумат йиғинида сўзлаган президент айни пайтда Беларус, Евросиё иқтисодий иттифоқи ҳамда Европа Иттифоқи ўртасида жойлашганидан ҳам фойда кўриши кераклигини айтиб ўтди.
- Беларус учун энг яхши йўл ташқи сиёсатда Ғарб ва Шарқ ўртасидаги мувозанатни сақлашдир, - деди Лукашенко. - Бундай мувозанатга Беларус учун ЕИ бозори, Россия бозори ўрнини боса оладиган альтернативага айлангандагина эришиш мумкин бўлади. Нафақат қоғозда, балки амалда ҳам.
Лукашенко, шунингдек, Минск НАТО билан “ўзаро ҳурматни” яхшилаши кераклигини қўшимча қилди. Президент Беларуснинг НАТОга аъзо Латвия, Литва ҳамда Польша билан чегарадош экани ҳамда қўшни Украина ҳам аъзо бўлишга ҳаракат қилаётганини айтаркан, альянс “Бизга керак бўлмаган муаммо ва конфронтацияга сабаб бўляпти”, деди.
Бунга қарамасдан, Лукашенко НАТО билан яқиндан алоқа қилиш Беларус армиясини кучайтиришини қўшича қилди:
- Улар билан суҳбатлашишимиз керак. Уларга душман ўлароқ қарамаслигимиз керак.