Россия Адлия вазирлиги “Озод Европа / Озодлик”(RFE / RL), “Америка овози” (VOA) ва мазкур радиоларнинг қатор хизматларини янги қонунчиликка асосан “хориж агентлари” сифатида рўйхатга олди.
Вазирликнинг расмий сайтида RFE / RL, VOA, Current Time TV, татар-бошқирд хизмати, Siberia.Reality, Idel.Reality, Фактограф, “Кавказ-реалий” ва “Қрим” хизматларига “хориж агенти” мақоми берилгани қайд этилди.
Қонунчиликка мувофиқ “хориж агенти” деб тан олинган оммавий ахборот воситаларига қатор чекловлар жорий этилган.
Давлат думаси депутати Иван Мельников 5 декабрь куни мавжуд чекловлар кўлами янада кенгайтирилиши мумкинлигини айтди:
-Давлат думаси парламентнинг юқори палатасига “хориж агенти” деб тан олинган АҚШ оммавий ахборот воситалари вакилларининг киришини тақиқловчи резолюция лойиҳасини кўриб чиқмоқда, - деди Мельников.
Жумада шошилинч қабул қилинган “Хориж агенти” тўғрисидаги қонун 25 ноябрь куни президент Путин томонидан имзоланган.