Ўзбекистон пойтахтида ўтган ҳафта охирида Испания виза маркази очилди. Марказ Шенген визасини олиш учун ўзбекистонликлардан ҳужжатлар йиғиш, қайта ишлаш ва уларни Испаниянинг Москвадаги бош консуллигига юбориш билан шуғулланади.
Марказ виза марказларини бошқариш бўйича тендерни ютиб олган ва турли мамлакатлардаги дипломатик ваколатхоналар билан ишлаш тажрибасига эга бўлган BLS International ширкати бренди остида ишлайди.
Марказ ходимларидан бирига кўра, виза йиғими катталар учун603,5 минг сўм, 6 ёшдан катта болалар учун эса 158 минг сўмни ташкил этади. Олти ёшдан кичик бўлган болалар ва Европа иттифоқи ватандошларининг қариндошлари бу йиғимдан озод қилинган. Топширилган ҳужжатлар 2-3 ҳафта ичида кўриб чиқилиши айтилмоқда.