Россия ва Саудий Арабистони С-400 зенит-ракета тизимларини етказиб бериш бўйича келишувга эришишди. Бу ҳақда ТАСС агентлиги Россия Ҳарбий-техник ҳамкорлик бўйича федерал хизматидан олинган маълумотларга таянган ҳолда хабар тарқатди. Хабарда гап С-400 ҳавога қарши мудофаа тизимлари, “Корнет-ЭМ” танкка қарши ракета комплекслари, ТОС-1А тизимлари, АГС-30 русумли гранотомёт комплекслари, АК-103 русумли Калашников автоматларини етказиб устида бормоқда.
Аввалроқ Саудий Арабистони қироли Салмон бин Абдулазиз ас-Сауднинг Россияга сафари чоғида Риёд С-400 ракета комплексларини сотиб олишга қизиқиш билдиргани ҳақида хабар қилинганди.
Шу йил 12 сентябрида Туркия президенти Ражаб Тоййиб Эрдўғон Анқара С-400 тизимларини сотиб олиш бўйича Москва билан келишув имзолагани ва бунинг учун закалат бериб бўлинганини маълум қилганди.