"Баъзилари нима бўлишини жуда яхши тушунишди, жуда яхши билишарди. Шу учун ҳам бундай қадамни ташладилар. Нима қилса қилсинлар,Туркия эски Туркия эмас, янги Туркиянинг ҳаракат тарзи жуда ҳам фарқлидир," деди Ражаб Тоййиб Эрдўғон.
Туркия президенти Ражаб Тоййиб Эрдўғон Истанбулга етиб борди.
Отатурк аэропортида гапирган Эрдўғон "миллатдан юқори турган ҳеч қандай куч йўқ" деди.
Отатурк аэропортига жам бўлган кўплаб одамлар ўнгида гапирган Туркия президенти ҳарбий тўнтариш уриниши бўлганини маълум қилди.
"Тўнтаришга уринганлар қим бўлишларидан қатъи назар керакли жазони олишади," деди у.
СNN Turk офиси жойлашган бинога бостириб кирган ҳарбийларнинг қўлларига кишан урилди ва, ҳозирга келиб, телевидение ўз эфирини давом эттириш арафасида.
Бино йўлакларига йиғилган телевидение ходимлари "Ë Оллоҳ¸ бисмиллоҳ¸ Оллоҳу акбар" дея ҳайқириқларини давом эттиришмоқда.
Маълумотларга кўра¸ жонли эфирда ҳарбийлар бостириб кирганини эшитган халқ офис биносига келган ва ҳарбийлар шундан кейин таслим бўлишган.
Истанбул Жумҳурият Бош прокуратураси тарқатган хабарга кўра, Истанбулда тўнтаришга қўшилган 200дан ортиқ аскар ҳибсга олинди.